مەسرور بارزانی و قونسلێ گشتیێ بریتانیا گرنگییا دابینكرنا مافێن دستووری یێن هەرێمێ گەنگەشە دكەن

دوهی سێشەمبی 6/2/2024، مەسرور بارزانی، سەرۆكێ حوكمەتا هەرێما كوردستانێ، پێشوازی ل جەیمس گۆلدمان، قۆنسلێ گشتیێ نوو یێ بریتانیا ل هەرێما كوردستانێ كر.
سەرۆكێ حوكمەتا هەرێمێ پیرۆزباهیا دەستبكاربوونێ ل قۆنسلێ گشتی یێ نوو یێ بریتانیا كر و هیڤیا سەركەفتنێ بۆ خواست و پشتەڤانییا حوكمەتا هەرێما كوردستانێ دیاركر ژ پێحەمەت پێشڤەبرنا زێدەتر یا پەیوەندیێن دو ئالی.
قۆنسلێ گشتیێ بریتانیا، سوپاسییا هاریكاری و هەماهەنگییا دەزگەهێن حوكمەتا هەرێما كوردستانێ كر و بەرهەڤییا وەلاتێ خوە بۆ پتر ب هێزكرنا پەیوەندییان ل گەل هەرێما كوردستانێ دوپاتكر.
د پشكەكا دی یا دیدارێ دا، دووماهی پێشهاتێن ئیراقێ و دەڤەرێ و گرنگییا دابینكرن و پاراستنا مافێن دستووری یێن هەرێما كوردستانێ هاتە باسكرن.

کۆمێنتا تە