لایپزیك و كۆپنهاگن گەڤێن ئێكسەرن ل ریال مەدرید و مانچستەر ستی
پشتی بۆرینا دو هەیڤان ل سەر هەڤڕكیێن چامپیۆنز لیگایی، بڕیارە ئەڤرۆ ل دەمژمێر 11ێ شەڤێ یاریێن گەڕا 16ێ قۆناغا چوونێ ژ قارەمانییا یانەیێن ئۆرۆپا قارەمانێن خولا چامپیۆنز لیگ بهێنە ئەنجامدان، هەردو بەربژارێن ناسناڤی یانەیا مانچستەر ستی و ریال مەدرید ژ دەرڤەیی یاریگەها خوە بەرانبەر ئاستەنگێن یانەیێن دانیماركی و ئەلمانی دێ شەڕی بۆ سەركەفتنێ.
ریال مەدرید و لایپزیك دیدارا دۆبارە یا وەرزێ بۆری یە
جەماوەرێ وەرزشی ئەڤ شەڤە دێ چاڤ ل ئێك ژ ب هێزترین یاریێن گەڕا 16ێ بیت ئەوا دهێتە چاڤەڕێ كرن یانەیا لایپزیك یا ئەلمانی ل یاریگەها خوە رێدبۆل ئارینا مێڤاندارییا یانەیا ریال مەدرید یا ئسپانی بكەت ئێك ژ بەربژێرێن سەرەكی بۆ دەستڤە ئینانا ناسناڤێ چامپیۆنزێ، تیما ئسپانی ب سەركێشییا یێ ئیتالی كارلۆ ئەنشلۆنی دێ ل بن گڤاشتێن هنگاڤتیان و شەڕەكێ 90 خولەك دا بیت ژبەركو تووشی كاودانەكێ هەستیار بوویە ب هنگاڤتنا ستێرێ وێ یێ ئنگلتەرایێ جۆد بێلێنگهام ئەوێ د یارییا بۆری یا خولا ئسپانیا دگەل جیرۆنا تووشی هنگاڤتنا پێ خوە بوویی، دیسان هەر ئێك ژ گۆلپارێز كۆرتۆا، میلیتاو و ئالابا ژبەر هەمان ئەگەر پشكداری یارییا ئەڤرۆ نابن، لێ دبیت هەبوونا ستێرێن وەكو ڤێنێسیۆس جونیرۆ، تۆنی كرۆز، رۆدرێگۆ، ڤالڤێردی، كاماڤینگا، كارباخال كو دێ شێن ل دووڤ پلانێن راهێنەرێ خوە بگەهنە ئارمانجا خوە و تۆلێن وەرزێ بۆری ڤەكەن بۆ سەركەفتنێ، لێ یانەیا لایپزیك ژی تیمەكا ب سانەهی نابیت، تایبەت دێ دناڤ ئەرد و جەماوەرێ خوە و پشتگەرمییا ستێرێن خوە لویس ئۆبیندا، بنیامێن سیسكۆ، چاڤی سیمۆنێز كو شیانێن هەین ئەنجامی بۆ بەرژوەندیا تیما خوە بینن و بزاڤێ كەن سەركەفتنا وەرزێ بۆری دۆبارەبكەن بەری بچنە دناڤ یاریگەها سانتیاگۆ بیرنابیۆ.
ئەرێ دێ سیناریۆیا وەرزێ بۆری دۆبارە بیت.
ل دووڤ ئامارێن هەردو یانەیان كو بتنێ دو یاری دگەل ئێك ئەنجامداینە ئەوژی ل چامپیۆنز لیگێ دا بەرانبەر ئێك راوەستیاینە كو د سیستەمێ كۆمان دا بوو ل وەرزێ 2022- 2023ێ لاپیزیك شیابوو د ناڤ یاریگەها خوە ب سێ گۆلان بەرانبەر دو گۆلان سەركەفتنێ ل سەر ریالێ بینت، د یارییا دویێ دا ریال مەدرید شیابوو دناڤ یاریگەها خوە دا ب چار گۆلان بەرانبەر سێ گۆلان سەركەفتنێ بینت، پسیارە ئەوە ئەرێ بۆ یارییا ئەڤرۆ ریال مەدرید دێ شێت تۆلێن خوە د ناڤ یاریگەها وێ دا ڤەكەت و بەردەوامیێ دەتە خەوانا خوە یا ناسناڤێ 15ێ یان ژی لایپزیك دێ سەركەفتنێ دۆبارەكەت و سۆپرایزەكێ چێكەت.
مانچستەر بەرانبەر تاقیكرنەكا دانیماركی دا
ژلایێ خوەڤە یانەیا مانچستەر ستی یا ئنگلتەرایێ بەرانبەر تاقیكرنەكا ب هێز یا هۆلەندی دایە دەمێ ل یاریگەها پاركن ستادیۆن دبیتە مێڤانا یانەیا كۆنبهاگن یا دانیماركی، هەرچەندە وەكو پێشچاڤ و ئاماران دبیت ئەركێ مانچستەرێ ب سانەهی بیت لێ یانەیا كۆبنهاگن ئێك ژ ئەوا تیمێن بووینە هەسپێ رەش د چامپیۆنزێ دا ئەوا شیایی ل سەر كیستێ هەڤڕكا وێ یا خولا پرێمەرلیگ مانچستەر یۆنایتد د قوناغا كۆما دا دەربازبیتە قۆناغا 16 و شیایی هەشت خالان كۆمبكەت و رێزا دویێ بهێت، لەوما راهێنەرێ مان ستی پیپ گواردیۆلا باش دزانیت ئەوی ئارمانجێن دوور هەنە كۆ بگەهیتە یارییا دووماهیێ و پاراستنا ناسناڤێ خوە یێ وەرزێ بۆری ب پارێزیت و ناسناڤێ دویێ ل سەر خزینەیا دیرۆكا یانەیێ زێدەبكەت، پشتگەرمییا وێ دێ ب ستێرێ گەنج یێ نەرۆیجی ئیرلینگ هالاند، فێل فۆدێن، كیڤین دی برۆین، جۆلیان ئالڤارێز و برناندۆ سێلڤا.
كۆبنهاگن دێ شێت سەركەفتنێن مان ستی راوەستینت!
هەرچەندە دێ گەلەك ب زەحمەت بیت بۆ یانەیا دانیماركی بشێت زلهێزەكا وەكو مانچستەر ستی ب راوەستینت، هەكە دیرۆكا هەردو یانەیا ڤەكەین دێ بینی دو جاران د چامپیۆنزێ دا بەرانبەر ئێك بووینە ل وەرزێ 2022-2023ێ د سیستەمێ كۆمان دا یارییا ئێكێ ب سەركەفتنا مان ستی ل یاریگەها خوە ب پێنج گۆلێن پاقژ و یارییا دوییچ بێ گۆل وەكهەڤبوون.
