نێچیرڤان بارزانی و سەرۆكێ ئەرمینیا دەستپێكرنا گەشتێن ئەسمانی د ناڤبەرا هەولێرێ و یەریڤانێ گەنگەشەكرن
سەرۆكێ هەرێما كوردستانێ ل هەولێرێ پێشوازی ل سەرۆكێ ئەرمینیا كر و هەردو ئالییان باس ل دەستپێكرنا گەشتێن راستەوخوەیێن ئەسمانی د ناڤبەرا هەرێما كوردستانێ و ئەرمینیا كر.
سەرۆكایەتییا هەرێما كوردستانێ د بەیاننامەیەكێ دا ل دۆر ئەوێ چەندێ بەلاڤكر» نێچیرڤان بارزانی، سەرۆكێ هەرێما كوردستانێ ل هەولێرێ ل گەل ڤاهاگن خاچاتوریان، سەرۆكێ ئەرمینیا كۆمبوو».
ب گۆڕەی ئەوێ بەیاننامەیێ، هەردو ئالییان باس ل دەلیڤەیێن پێشڤەبرنا پەیوەندیێن ئەرمینیا ل گەل ئیراقێ و هەرێما كوردستانێ د بوارێن بازرگانی، وەبەرئێنان، كەرتێ تایبەت، نوژداری و گەشتیاریدا كر و رۆناهی خستنە سەر دەلیڤەیێن گەشتێن راستەوخوەیێن ئەسمانی د ناڤبەرا ئەرمینیا و ئیراقێ و هەرێما كوردستانێ.
د كۆمبوونەكێ دا پەیوەندیێن ئەرمینیا ل گەل ئیراقێ و هەرێما كوردستانێ ب تایبەتی د بوارێ ئابۆریدا و رەوشا ئیراقێ و هەرێما كوردستانێ و رەوشا پێكهاتەیان هاتنە باسكرن.
