مەسرور بارزانی: پێگیربوونا خوە ب پاراستنا مافێن ئافرەتێن كوردستانێ دوپات دكەین
مەسرور بارزانی ،سەرۆكێ حوكمەتا هەرێما كوردستانێ، ب هەلكەفتا رۆژا جیهانییا ئافرەتان پەیامەك بەلاڤكر و تێدا راگەهاند: رۆژا جیهانییا ئافرەتان، ل ئافرەتێن كوردستانێ و جیهانێ پیرۆز دكەم.
مەسرور بارزانی د پەیاما خوە دا گۆت ژی» ب ڤێ هەلكەفتێ، پێگیربوونا خوە ب پاراستنا مافێن ئافرەتێن كوردستانێ و باشتركرنا رەوشا ژیانا وان و ب هێزتركرنا پێگەهێ وان د جۆمكێن دەستهەلاتێ و حوكمڕانیێ و ب هێزكرنا بنەمایێن یەكسانییا رەگەزی دوپات دكەین».
دیاركر ژی» ئافرەتێن كوردستانێ پشتڕاست دكەم، كو دێ هەردەم پشتەڤانێ مافێن وان یێن رەوا بم، بۆ ئەوێ چەندێ ب گۆڕەی شیانێن خوە رۆل و پێگەهێ هەژی د هەموو بوارێن جڤاكی دا هەبیت».
