نێچیرڤان بارزانی: د گەل خەما هەوە یا ب ئازار هەڤسۆزم
سەرۆكێ هەرێما كوردستانێ، نێچیرڤان بارزانی ژ بەر وەرگێڕانا پاسەكا قوتابییان ل سەر رێكا كەلار – كفری و وەغەركرنا چار قوتابییان و برینداربوونا حەفت قوتابیێن دی، پەیامەكا بەهیداریێ بەلاڤكر و تێدا دبێژیت» روودانا دلتەزینا گیان ژدەستدانا هەژمارەكا قوتابیێن ئامادەیی و برینداربوونا هەژمارەكا دی د روودانا هاتنوچوونێدا ل سەر رێكا كەلار – كفری، ئەز خەمباركرم. سەرەخوەشیێ ل خێزان و كەسوكارێن قوربانییان دكەم، د ئەڤێ خەما ب ئازار هەڤسۆز و هەڤخەمێ ئەوانم».
هەروەسا گوت»ژ خودایێ مەزن دخوازم گیانێ قوربانییان ب دلوڤانییا خوە شاد بكەت و ئارامیێ ب خێزان و كەسوكار و هەڤالێن وان ببەخشیت. هیڤییان زوو باشبوونێ بۆ برینداران دخوازم».
