نێچیرڤان بارزانی و بالیۆزێ رۆسیا: هیڤیدارین بانگەشەیەكا ئارام و سەركەفتی بڕێڤە بچیت

دوهی سێشەمبی 1/10/2024، سەرۆكایەتییا هەرێما كوردستانێ راگەهاند» نێچیرڤان بارزانی، سەرۆكێ هەرێما كوردستانێ د دیدارەكێدا ل گەل ئێلبروس كوتراشێڤ، بالیۆزێ رۆسیا ل ئیراقێ، دەربارەی پەیوەندیێن رۆسیا ل گەل ئیراقێ و هەرێما كوردستانێ، پەیوەندیێن هەولێر – بەغدا و هەلبژارتنێن پەرلەمانێ كوردستانێ، بیر و بۆچوون لێكگوهارتن».
د بەیاننامەیێدا هاتیە» هەردو ئالییان سەرەرای داكۆكیێ ل گرنگییا هەلبژارتنان بۆ هەرێما كوردستانێ، هیڤییا بڕێڤەچوونا بانگەشەیەكا ئارام و سەركەفتی بۆ پڕۆسەیا دەنگدانێ خواست، هەروەسا پێشبینی و بۆچوونێن خوە ل دۆر ئەنجامێن هەلبژارتنان و پڕۆسەیا سیاسی ل هەرێما كوردستانێ، بەرچاڤكر».
راگەهاند ژی» دووماهی پێشهاتێن شەڕی ل ئۆكراینا و رەوشا رۆژهەلاتا ناڤین، ئالییەكێ دی یێ دیدارێ بوون كو قۆنسلێ گشتیێ رۆسیا ل هەرێما كوردستانێ، بەرهەڤبووی».

کۆمێنتا تە