وەزارەتا بازرگانی و پیشەسازی ئەڤ سالە موهلەت دایـە 139 كـارگەهان
زنار تۆڤی:
رێڤەبەرێ گشتیێ پلاندانان و دووڤچوونێ ل وەزارەتا بازرگانی و پیشەسازی ل حكومەتا هەرێما كوردستانێ دیار كر، چار هزار و 610 كارگەهـ ل هەرێما كوردستانێ هەنە و ئەڤ سالە وان موهلەت دایە 139 كارگەهێن بچووك و ناڤنجی.
سوارە عەزیز، رێڤەبەرێ گشتیێ پلاندانان و دووڤچوونێ بۆ ئەڤرۆ گۆت: «ئەو 139 كارگەهێن ئەڤ سالە موهلەت وەرگرتین، 103 ژ وان ل پارێزگەها هەولێرێنە، 12 ل پارێزگەها سلێمانییێ، 16 ل پارێزگەها دهۆكێ و شەش كارگەهـ ژی ل ئیدارا سەربخوە یا زاخۆنە».
ناڤهاتی گۆتژی: «ل هەرێما كوردستانێ چار هزار و 610 كارگەهـ هەنە، ژ وان سێ هزار و 64 كارگەهـ ل پارێزگەها هەولێرێ نە، ل سلێمانییێ هزار و 102 كارگەهـ و ل پارێزگەها دهۆكێ ژی 335 كارگەهـ هەنە، ل زاخۆ ژی 109 كارگەهـ هەنە».
