سوبه‌هى په‌رله‌مانێ كوردستانێ دێ كۆم بيت
ئه‌ڤرۆ نيوز، نيوار محه‌مه‌د سه‌ليم:
سه‌رۆكاتيا په‌رله‌مانێ كوردستانێ راگه‌هاند كو سوبه‌هى دێ په‌رله‌مانێ كوردستانێ روونشتنا خوه يا ژماره چار ژ به‌رنامێ كارێ بهايێ ل دۆر به‌رده‌وامى دان ب دانوستاندنێ ل سه‌ر پرۆژێ سندوقا داهاتێن په‌ترۆل و گازێ ل هه‌رێما كوردستانێ كۆم بيت.
زوزان سادق تراونشى ئه‌نداما په‌رله‌مانێ كوردستانێ ل سه‌ر فراكسيۆنا زه‌ر بۆ ئه‌ڤرۆ نيوز گۆت: “سه‌رۆكاتيا په‌رله‌مانێ كوردستانێ راگه‌هاند كو سوبه‌هى دێ په‌رله‌مانێ كوردستانێ روونشتنا خوه يا ژماره چار ژ به‌رنامێ كارێ بهايێ ل دۆر به‌رده‌وامى دان ب دانوستاندنێ ل سه‌ر پرۆژێ سندوقا داهاتێن په‌ترۆل و گازێ ل هه‌رێما كوردستانێ و ده‌نگدان ل سه‌ر باوه‌رى دان ب سووند خوارنا وه‌زيرێ هه‌رێمێ بۆ كاروبارێن كوچ و كۆچبه‌ران، غازى سه‌عيد سلێمان، كۆم بيت.
زۆران خانێ ئاماژه ب وێ چه‌ندێ ژى كر پرۆژێ سندوقا داهاتێن په‌ترۆل و گازێ ل هه‌رێما كوردستانێ ژ 16 ماده و شه‌ش پشكان پێك دهێت و هه‌تا نوكه چار پشك و حه‌فت ماده هاتينه په‌سه‌ند كرن و گۆت: “ئه‌و مادێن هاتينه په‌سه‌ندكرن ئه‌ون يێن پتر هه‌ڤركى ل سه‌ر هه‌ين”.
نه‌ڤه‌شارت ژى كو ئه‌و پێشبينى دكه‌ت سوبه‌هى پرۆژه بهێته په‌سه‌ندكرن و گۆت: “هندى زووتر ب دووماهى بهێت دێ زووتر كه‌ڤيته د خزمه‌تا وه‌لاتيێن كوردستانێ دا”.
