گرنگە ئارامییا ئیراقێ و دەڤەرێ بهێتە پاراستن
دوهی چارشەمبی 4/12/2024، مەسرور بارزانی، سەرۆكێ حوكمەتا هەرێما كوردستانێ، پێشوازی ل عەبدوللا مەتەر ئەلمەزروعی، بالیۆزێ نوو یێ ئیماراتێ ل ئیراقێ كر.
ب گۆڕەی بەیاننامەیەكا حوكمەتا هەرێما كوردستانێ، سەرۆكێ حوكمەتا هەرێمێ پیرۆزباهی ل ئەلمەزروعی كر ب هەلكەفتا دەستبكاربوونێ و هەموو هاریكاری و پشتەڤانییەكا حوكمەتا هەرێما كوردستانێ بۆ بالیۆزێ دەربڕی ژ پێخەمەت سەرئێخستنا ئەركێ وی و زێدەتر پێشئێخستنا پەیوەندیێن دو ئالییانە د وارێن جۆرا و جۆر دا».
بالیۆزێ ئیماراتێ، سلاڤ و رێزێن سەرۆكێ ئیماراتێ شێخ محەمەد بن زاید ئال نەهیان گەهاندنە سەرۆكێ حوكمەتا هەرێمێ و دوپاتی ل پێشڤەبرنا پەیوەندیێن دۆستانە یێن وەلاتێ وی ل گەل هەرێما كوردستانێ كر.
گرنگییا پاراستنا ئاسایش و سەقامگیرییا ئیراقێ و دەڤەرێ، پشكەكا دی یا دانوستاندنان بوو.
