ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
وەزیرێ دەرڤەیێ ئیراقێ راگەهاند: ل چەند رۆژێن داهاتی شاندێ هەڤپشكێ وەزارەتا داراییا ئیراقێ و هەرێما كوردستانێ سەبارەت پرسا مووچەیێ فەرمانبەرێن هەرێما كوردستانێ دێ كۆمبوونا دویێ ئەنجامدەن.
فوئاد حسێن، وەزیرێ دەرڤەیێ ئیراقێ د كۆنگرەكێ رۆژنامەڤانیدا دیاركر ل گەل محەمەد شیاع سودانی، سەرۆك وەزیرێن ئیراقێ سەبارەت وێ راستڤەكرنا ل جڤاتا نوونەرێن ئیراقێ ل دۆر دوبارە دەستپێكرنا هنارتنا پەترۆلا هەرێما كوردستانێ ئاخڤتییە بۆ وێ چەندێ ژ ئالیێ جڤاتا نوونەرانڤە بهێتە دەربازكرن.
فوئاد حسێن ئاماژە ب وێ چەندێ ژی كر، ل رۆژا ئەینییا داهاتی شاندێ هەڤپشكێ وەزارەتا داراییا ئیراقێ و هەرێما كوردستانێ سەبارەت پرسا مووچەیێ فەرمانبەرێن هەرێما كوردستانێ دێ كۆمبوونا خوە یا دویێ كەت.
فوئاد حسێنێ دیاركر ژی ل گەل هاكان فیدان، وەزیرێ دەرڤەیێ توركیا باس ل دوبارە دەستپێكرنا هنارتنا پەترۆلا هەرێما كوردستانێ كریە.
