هەسەدە: هێزێن مە دێ بنە پشکەک ژ لەشکرێ سووریێ
ئەبو عومەر ئیدلیبی فەرماندارێ لیوایێن باکور یێن سەر ب هێزێن سووریا دیموکرات راگەهاند کو پشتی کۆمبوونا وان یا بەری دو رۆژان ل گەل جڤاتا سووریا دیموکرات وان بریار داینە ببنە پشکەک ژ لەشکرێ نوو یێ سووریێ و دێ ل گەل لەشکرێ سووریێ ب هەماهەنگی کار کەن و ئارمانجا وان ژی پاراستنا دەڤەرێن ل ژێر کۆنترۆلا هێزێن وان دایە دا رێ نەدەن چو هێزێن توندرەو و تیرۆرست ئارامیا دەڤەرێ تێک بدەن.
هەمان فەرمانداری ئەو یەک ژی دیار کریە د کۆمبوونا وان یا ل گەل جڤاتا سووریا دیموکرات بەحسێ ڤێ یەکێ ژی هاتیە کرن کو گاڤ ب گاڤ و ب هەماهەنگی و رێککەفتن ل گەل شامێ دێ هەموو هێزێن وان سەر ب وەزارەتا بەرگریێ بن و دێ پێکڤە کار کەن، لێ ژ بۆ ئەو یەک ب تەمامی بهێتە بجهئینان ژی دڤێت ل گەل شامێ دانوستاندنێن زێدەتر بهێنە کرن.
