پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
سەرۆك بارزانی و مەزلۆم عەبدی دوپاتكر كو پێدڤییە د پێنگاڤێن داهاتی د پرۆسەیا سیاسی یا سووریێ دا هەلوەستێ كوردی ئێك بیت.
بارەگەهێ بارزانی د بەیاننامكەیەكێدا بەلاڤكر» ل رۆژا چارشەمبی 12 ئادارا 2025، د پەیوەندییەكا تەلەفۆنیدا د ناڤبەرا سەرۆك مەسعود بارزانی و مەزلۆم عەبدی، فەرماندەیێ گشتیێ هێزێن سووریا دیموكرات (هەسەدە)، رەوشا سیاسی و دووماهی گورانكاریێن سووریێ هاتە كەنگەشەكرن».
بارەگەهێ بارزانی ئاماژە ب وێ چەندێ ژی كر» د وێ پەیوەندییا تەلەفۆنیدا مەزلۆم عەبدی هووردەكاری و دەرئەنجامێ سەرەدانا خوە بۆ دیمەشقێ و تێكگەهشتنا وان ل گەل حوكمەتا سووریێ بۆ سەرۆك بارزانی شرۆڤەكر».
د بەیاننامەیا بارەگەهێ بارزانی دا هاتیە ژی» هەر د وێ پەیوەندییا تەلەفۆنیدا دوپاتی ل سەر وێ چەندێ هاتە كرن كو پشتەڤانی ل هەر پێنگاڤەكێ بهێتە كرن كو ببیتە ئەگەرێ ئاشتیێ و ئارامیێ ل سووریێ و هەروەسا ئەو چەندە ژی هاتە دوپاتكرن، پێدڤییە ل پێنگاڤێن داهاتی د پرۆسەیا سیاسی یا سووری دا هەلوەستێ كوردی ئێك بیت».
