پێداچوونەك د ناڤەرۆكا سیاسی یا بۆیەرێن رۆژهەلاتا ناڤەراست دا
خالد ئەحمد بادی
دوویڤچوون و پێداچوونا بۆیەران و سەیركرن د ناڤەرۆكا فەرهەنگا سیاسی و گشتی یا رۆژهەلاتا ناڤەراست دا زۆر دەرگەهان ل مە ڤەدكەت و ب وێنە و ب دەنگ و رەنگ بۆیەر و شرۆڤە بۆ مە دیار دبن و دهینە راڤەركرن و زنجیرا بۆیەران هەر ژ كەڤندا بۆ مە یا دیارە و ب شێوەیێ زنجیرەیی و مینا شاشەكێ دهینە بەرچاڤێن مە و دەنگێ شەڕێ ئیسرائیل وفەلەستینێ وشەڕێ ئیراق و ئیرانێ وشەڕێ كوردان و وەلاتێن كورد د ناڤدا و شەڕێ ئیراق و كۆێت و شەڕێ ئیراقێ و عەرەبان، شەڕێ سووریا، ئیسرائیل و لبنان و مینا دهێتە گۆتن و دیاركرن كو تابلۆیێ رۆژهەلاتا ناڤەراست، مینا تەڤنێ تەڤن پیركێ یە و رۆژهەلاتا ناڤەراست د گرارا بەرژەوەندیخوازان دا دكەلیت و ل ڤان داوییان كوشتنا سەرانێن هەوالگێرییا ئیرانی و شەڕێ ئیران و ئیسرائیل پەیدابوو و دەستێ ئیرانێ تێدا بوو، لێ شكەستن ل وی بەرەیی خوار و ئیران ل وێرە ژی خوسارەت بوو, یا ژ هەمییان گرنگتر د پێداچوونا بۆیەرێن سیاسی و ئابۆری و گشتی دا ل دەڤەرێ ئەو ژی روخیانا رژێما سووریێ و نەمانا دەستهەلاتێ شێرێ بێ زەنگل و ئەڤ گوهۆرینە بۆیە ئەگەر كو دوبارە هەیبەت و دەستهەلات و مایتێكرنێن ئیرانێ ل دەڤەرا رۆژهەلاتا ناڤەراست كێم بكەت، بەلكو نەهێلان و مینا دبێژن دەست و پێن ئیرانێ هاتنە برین و هەمی دوستێن وێ بێ هیڤیەك ل جەم پەیدا بوو و ژ ئیرانێ دویركەفتن و ئیرانێ هەلوەستێ خۆ گوهۆری ونەرمییەك كەفتە تێدا, سیاسەت یا گرێدایی بەرژەوەندییانە و بەرژەوەندی گرێدای سیاسەت و ئابوورییە، ئانكو ئابۆر و سیاسەت وەكو پەیڤ ژ ئێكودو ددوورن، لێ د بنەرەت دا هەردو پەیڤ یەك پەیڤن و ب هەڤدو ڤە دگرێدایینە و ل دوماهیێ دێ ئەڤ هەردو پەیڤە لایەنان گەهینن هەڤدو و چاوا مە ل سەری دیاركری یە كو یێن دویر نێزیك بوون و یێن نێزیك دویر بوون و پشتی روخیانا رژێما ئەسەدی و هاتنا ئەحمەدولشەڕع كو ژ ئالیێ مەزهەبی ڤە ژی سونی هاتنە گوهۆرین ب عەلەوییان ڤە وئێكسەر و دوبارە بەرژەوەندان خۆ دانە ئێكوهەردو پەیڤ كو سیاسەت و ئابۆر و مەزهەبیەت بوونە دادوەر و سعوودی ئێكسەر نێزیكی سووریێ بوو، هەروەسا توركیا ژی پەیوەندیێن خۆ یێن ئابۆری و سیاسی و هەڤسۆیاتیێ نێزیكبوون و بەلانس هاتنە گوهۆرین و دەڤەر بەرەف بەرژەوەندیێن وەلاتێن زلهێز ڤە چوون، كو ئەو ژی ئەمریكایە و رۆسیا بێ دەنگ بوو، هەر ژبەر مەسەلە و پرسێن بەرژەوەندیێن تایبەت كو ئەڤ پرسا بووینە ئەگەر كو بەلانس بهێنە گوهۆرین و رەوشا گشتی بەرەف هندەك دەرگەهێن جودا جودا ڤە بچیت و سیناریۆ دوبارە دیار ببن و دەڤەر ب شێوەكێ گشتی بەرەف تاك لایەنیێ ڤە بچیت و ئەڤ هەمی پرسە و شەڕ و نەخۆشی و ئالۆزی یێن دەڤەرا رۆژهەلاتا ناڤەراست ب شێوەكێ كۆتایی چارەسەریێ ب خۆڤە بگریت و خودانێن مافان ب مافێن خۆ شاد بن و خودانێن عەردان عەرد بۆ بزڤرن و هەر ئێك د سنوورێ خۆ دا كەدا خۆ بكەت و هەمی لایەن ل گەل هەڤدو بزڤرن و لسەر ئێك مێزا دانوستاندنان كۆم ڤە ببن و ئارامی و ئازادی و مرۆڤایەتی جه بجه ببیت و مرۆڤایەتی هەناسەیێن ئازادی و ئارامی و سەقامگیریێ بهەلكێشین.
