گوهۆڕین دێ هەموو دەڤەرێ و ئیراقێ ڤەگریت
دوهی سێشەمبی 17/7/2025، كۆنفرانسەك ل دۆر پێشهاتان و رەوشا دەڤەرا رۆژهەلاتا ناڤین ل زانكۆیا بۆغازئیچی ل ستانبۆلێ بڕێڤەچوو.
سەبارەت وێ پرسێ، د. محەمەد ئغحسان، شرۆڤەكارێ سیاسی راگەهاند» كێشەیا كوردان ل هەر چار پارچەیێن كوردستانێ هەر ئێك ب شێوەیەكییە، لەوما دڤێت ئەم هاریكارێن هەدو بین و حیسابێ بۆ پاشەڕۆژێ بكەین، هەروەسا مافێ خوە بپارێزین، ئەو شاشیێن كوردان ل پشتی شەڕێ جیهانیێ ئێكێ، ئەم دوبارە نەكەین، چونكە كاریگەرییا شەڕێ نوكە ژ كاریگەرییا هەردو شەڕێن جیهانی یێن ئێكێ و دویێ كێمتر نینە، هەروەسا دەلیڤەیا گەلەك باش بۆ هەر چار پارچەیێن كوردستانێ هەیە، د بەرامبەر دا مەترسی ژی هەیە، لەوما پێدڤییە خوە بەرهەڤ بكەین».
د. محەمەد ئحسان گوت ژی» چریسكێن ڤی شەڕێ نوكە دێ هەموو دەڤەرێ ڤەگریت، هەروەسا دێ دو كاریگەری ژی هەبن ئەوژی كاریگەرییا كورتخایەن و كاریگەرییا درێژخایەن. كاریگەرییا كورتخایەن گەلەك ب رۆهنی ل سەر ئیراقێ دیاربوو، دبیت گەلەك تشت ژی ل ئیراقێ بهێنە گوهۆڕین».
وی شرۆڤەكارێ سیاسی ئاماژە ب وێ چەندێ ژی كر» گەلەك تشت دێ ل سەر ئیراقێ هێنە چەسپاندن هەروەك ل سەر ئیرانێ و وەلاتێن دی هاتینە چەسپاندن، لەوما راستییەك هەیە، ئەوژی گوهۆڕین ل دەڤەرێ دێ هێتە كرن، ژ بەر ڤێ چەندێ كەس نەشێت باسێ ئاشتیێ بكەت».
