تكريت كره د ده‌ستێ پۆليسێن ناڤخۆ و هێزێن ئه‌منى دا
ئه‌ڤرۆ نيوز:
ئه‌ندامێ جڤاتا نوونه‌رێن عيراقێ و ئاخفتنكه‌رێ ب ناڤێ حه‌شه‌د شه‌عبى ئه‌حمه‌د ئه‌سه‌دى ئه‌ڤرۆ رۆژا شه‌مبى 4ى نيسانا 2015ێ راگه‌هاند كو ئه‌وا فايلا ئه‌منى يا باژێرێ تكريت ژ رۆژا ئه‌ينى رێكه‌فتى 3ى نيسانا 2015ێ دايه ده‌ست هێزێن ئه‌منى و پۆليسێن ناڤخۆ.
ئه‌سه‌دى نه‌ره‌حه‌تيا خوه ژى ل هه‌مبه‌ر وان گۆتنان دياركر يێن كو دبێژن حه‌شه‌د شه‌عبى ل وێ پارێزگه‌هێ كارێن تێكدانێ يێن كرين و ب تێكدان و بزاڤه‌ك بۆ كێمكرنا حه‌شه‌د شه‌عبى وه‌سفكرن.
د ماوێ بۆرى دا و ل ده‌مێ پرۆسا رزگاركرنا وێ پارێزگه‌هێ چه‌كدارێن حه‌شه‌د شه‌عبى يێن ب ميليشياتێن شيعان دهێنه ناڤبرن گه‌له‌ك كارێن تێكدانێ ل وان جهان ئه‌نجام دان و هه‌ڤپه‌يمانيا سونى ژى ل جڤاتا نوونه‌رێن عيراقێ ژ نه‌ته‌وێن ئێكگرتى خواست كو ل دۆر كريارێن حه‌شه‌د شه‌عبى بهێته ده‌نگ.
