کەڤالەکێ چار دیمەنی
رەمەزان ئیسـماعیل گەرەگوهی
-١-
ڕۆژانێن سەخت
ئەز ژبیرناکەم
ئەوان ڕۆژێن سەخت و دژوار
باڕۆڤە و سار
ئەوان دەمێن..
ژ تێهنێ و برسێ و
ژ سەرمایێ و زولم و ترسێ
هەر بیستەکێ دەھ کەس دمرن
ژ دویری ڤارا و سەرێ هەوە
جەندەکێن وان..
بەر ب گۆڕستانا دبرن
دو دو.. سێ سێ، بن ئاخ دکرن.
-٢-
گـۆڤـەنـدا مـە
سوبەھی..
گۆڤەندا مەیە و
مەکەس نینە..
جلکێن بویک و زاڤا بدرویت
سەرێ دیلانا مە بکێشیت
بزانیت بەرچەمکی بگریت
سوبەھی گۆڤەندا مەیە و
مەکەس نینە..
تێشتا بویک و زاڤا چێکەت
قەهوەکا خوەش
بکەلینیت، زویکا بینیت
بو خواستیا هەمیا تێکەت.
-٣-
من ژ نوی زانی
پشتی من..
خاتر ژ تە خواستی و
ژ جەم تە چوویم
مینا زارۆکەکێ ساڤا و
ژ شیرڤەکری
ژ وان سینگ و بەرا ڤەبوویم
دەر ب دەربوویم
دەست و پێن من
خوینەلۆ و تژی شکەنەبووین
من ژ نوی زانی
کانێ تو کی و
چەوا ئەز یێ ل سەر خاترا تە
دبازڤیرکێن ئەشقێ وەربوویم!
پێخەمەتی ئەڤینا تە
چەندێ دین و سەوداسەربوویم!
-٤-
ئەگەر وە بیت؟
ئەگەر وە بیت..
هەمی پەیڤ و گۆتنێن تە
بۆ ئەشقا مـە
هەمی دڕاست بن
تە ژ هەڤال و هۆگرێن خوە
نەڤەگوهاستبن
ئەشق و ئەڤین، ژدل و ئێقین
بۆ من کربن، ژ من خواستبن
بلا هەمی
ژ ئەشقا من و تە پشتڕاستبن.
