دلۆپێن هێسران
به‌شیرا ده‌روێش
د په‌یالا خه‌ونا من ده
قه‌هوه‌یا خوه نه رژین
كراسێ سپی
ل به‌ژنا كه‌ڤۆكێ
نه قه‌متین
خونێن من پاكیزه‌نه
د ره‌شكا چاڤێن كه‌وێ ده
هێلینه‌كێ چێدكه
ژیانه‌كه نوو وێ ب ئەفرینه
ب دلۆپێ هێسرێ گولان
خه‌فتانه‌كی ژ به‌ژنا چنارێ ره
درێسینه
دووری چیڕۆكێ
خێر نه خوازان
هه‌ر ژ ڤر
ئه‌ز مژوولم
ب دانهه‌ڤا خوه‌نێن خوه
دا كو ل به‌ر گولبه‌رۆژان
به‌ردم و ئازاد بفڕینم
ب ئارامی بژیم
لێ دوور نه‌چه
وارێ ئەڤینا مه‌م
بووك گه‌نما دچینه
ل سه‌ر ته‌ختێ ئەڤیندارێ رۆژێ
داتینیم
ئه‌دوولێ
ل ناڤا ملان
ل گرێ مشكا
هێلینا دهوونینه
هێژی ده‌روێش برینداره
دگه‌رم ل هه‌كیم و ته‌ختۆرا
ده‌رمانكی
ژێ ره نا ببینم
شارا سه‌رێ خوه
ل زۆزانێ خوه
ل به‌ر با به‌ردم
لێ ئاخ و سه‌د هه‌وار
چپكم تلیێ من كولن
كوستیلێ ئەڤینێ
هه‌رده‌م دوور دچن
خه‌مێ من دره‌ڤینه.
