ئەنفال
نایف مەحموود
ئەنفال هێشتا برینەکە
د هناڤێن ئاخێ دا و
شینیەک، هەوار و قێڕیێن وێ
ل ئەسمانا د هەلاویستی..
هەر جار ئاخا مە ڤێ بیرەوەریا تەحل
ب زێمارێن خوە یێن خەمگین ڤە
دووبارە دکەت
ئەسمان ژی ئەڤان قێڕی و هەواران
دکەت ڕۆندک و تاڤیێن هێسران
ژ ڤێ دەستمالا ڕەش دبارینیت..
ئەرێ و هێش د لەپێن ڤێ سالڤەگەڕا
پڕی ژان و حەسرەت دا
چیا و دەشت و نەهالێن کوردستانێ
ئاڤ و ڕوبار و نێرگزێن ڤێ دلستانێ
ئاوازێن خەمگین د خوینن..
ژبەر ڤێ قەدەرا هندا گران،
ڤێ جەفایا هشک و زۆها،
ڤێ ستەما کەڤر و بەرێن مە کەلاشتین،
دلێن مە ژی پرت پرت کرین
نە برینێن مە ساخ دبن،
نە ڕۆژێن مە دبن شاهی و
نە دلێن مە ژی شا دبن..
