ماندیبوونا من ژ دلی
فاتیما ره‌حیم/قاهیره
ماندی بووم ژ بزاڤێن دوبارە
بۆ ڕزگارکرنا دلێ خۆ
بلا ببیت، كو وه‌ك زارۆکەکێ نازاندی
ڕێز و حورمه‌تا مەترسیێ هه‌لناگریت؛
هه‌مبێزكرنه‌كێ هەلدبژێریت
لێ كویراتییا وێ نزانیت
و ماچەکێ کو پێدڤی ب هێجه‌ته‌كێ نینە،
شەڤ ب دووماهی دهێن و ..
ئەو نه ناڤی دزانیت… نە ڕێکەفتێ.
ل هه‌ژموونان، شاشییێ بكه‌ت
دا بۆ ده‌مژمێره‌كێ حەز ژێ بکەت،
پاشێ بۆ چه‌رخه‌كی هزرێ لێ بکەت.
من دڤێت یێ سڤك بیت؛
وەکی دره‌وه‌كێ!
وەکو ژڤانه‌كی کو نەهێتە به‌ستن
کێ گۆت کو پاقژی كه‌رامه‌تا دلی یە؟
پیچه‌كێ ئه‌ز دێ هێلم بلا پیس ببیت..
ب ڕاستی ل دویڤ خۆشییەکا بێ مفا ڤە دچیت،
و درەنگ ڤەدگەڕیت، تێكچوویی ل زۆرییا پەشیمانیێ..
بەڵێ یێ ساخ و نه‌مری!
من نەڤێت ئەو په‌هلەوانەک بیت د ڕۆمانەکا خەمگین دا،
بەڵکو شه‌مۆیه‌ك بیت د شانۆیەکا بێهودە دا
دێ هێلم، نە ژ بۆ چاکبوونێ،
بەلکو بۆ ژیانێ؛
ژیان وەکو هه‌ی:
گەرم، ئەرزان، حێبه‌تی.
* ژ فێس بووكێ وێ هاتییه وه‌رگرتن..
وه‌رگێڕان: ئیسماعیل بادی
