ئسرائیل ب توندی هۆشداریێ ددەتە ئیرانێ
وەزیرێ بەرگریێ یێ ئسرائیلێ دیار کر، شەڕێ وان ل دژی ئیرانێ ب دووماهی نەهاتیە، دڤێت رێبەرێ ئیرانێ ژی دەست ژ گەفان بەردەت، دەمەکە خامنەیی خوە ڤەشارتیە و دەمێ خامنەیی بڤێت دەرکەڤیتە دەرڤە بلا هشیار بیت چونکی دبیت ب رەنگەکێ نەچاڤەرێکری گەلەک تشت ل دژی وی بهێنە کرن.
ئسرائیل کاتز ئەو یەک ژی دیار کر، ئسرائیلێ شیایە رژێما ئیرانێ گەلەک لاواز بکەت، بێگومان دڤێت گەلێن ئیرانێ دووماهیێ ب دەستهەلاتا گەندەل یا ئیرانێ بینن، چونکی دەستهەلاتا نها یا ئیرانێ زیانێن گەلەک مەزن گەهاندینە خەلکێ ئیرانێ، ئیران وەلاتەک گەلەک دەولەمەندە، لێ رێڤەبەرێن ئیرانێ گەندەلن و ژ بەر ڤێ یەکێ ژی نها خەلکی ئاڤ و کارەب نینن.
وەزیرێ بەرگریێ یێ ئسرائیلێ ئەو یەک ژی نەڤەشارت، ئسرائیل دێ نەخشەیێ رۆژهەلاتا ناڤین گوهۆڕیت و د دەمەکێ نێزیک دا دێ گوهۆڕینێن گەلەک مەزن ل رۆژهەلاتا ناڤین و ئیرانێ دا روو دەن و دڤێت بەرپرسێن ئیرانێ ژی باش هزرا خوە بکەن.
