رۆندكێن قەلەمی
خالد عەلی سلێڤانەیی
یا ژمن ڤە وەفاداری
بۆ من وەك زینا مەمی
هاتم ب ئەڤینداری
هەتا ئەڤرۆ ژ وی دەمی
پشتی تە ما بۆچی یە
حەژمن بكەت دنیا هەمی
قەدەرەك نڤیسییە
خەندقی ل دێمی گەمی
::: ::: :::
ژڤانێ مە هەر ئێڤار
بەر وی رویبار و چەمی
ئەو بیرهاتن بوون ئازار
دناڤ دلێ من دا نمی
رۆندكێن من تێنە خار
تو ب گڕنژین نە ب خەمی
تە ئەز هێلام بریندار
من هزر دكر ملحەمی
::: ::: :::
ڤین ئاڤاكر ب دەستا
من وەك كەلها دم دمی
دل هات تە ب هەمی هەستا
ل گاڤا عەولی سەتمی
مانە بەسە دل وەستا
بێ هەستی وەك سەنەمی
هیشتا بوهارە ل مەستا
دورین زەڤیا گەنمی
::: ::: :::
سالا خاتر ژ سالا خوازت
تە ب دلێ من دكر كەنی
ئەو چیرۆكا مە یا راست
بوو نهێنی و نەپەنی
تە ئەز ژبیركرم زوی
نە تو وەك تەڤ عالەمی
خەما كەیف ژمن دزی
و رۆندكێت ڤی قەلەمی
سێمێل – 1998
