لێگەڕیان
خانی سەبری
ل تە دگەڕم ل هەر جهـ و وارا
ل تە دگەڕم ل گوند و باژارا
بەلەنگازم دیتنا تە دخوازم
بێ تە وندامە ل ناڤ ئازارا
ل تە دگەڕم دا ئەز تە ببینم
ڤان کول و دەردان ژ دلی بدەرینم
وەك رۆژێن بەرێ دەلال دلبەرێ
تە هەمبێز بکەم خەما بڕەڤینم
ل تە دگەڕم نێ کەسێ من نینە
تنێ ڤینا تە مرادا منە
سەرمەست و گێژم رۆندکا درێژم
دوورم ژ تە، ژین بێ تە مرنە
ل تە دگەڕم ژین بێ تە بێ واتا
جیهان ڤالایە تەڤ خراباتە
دێ وەرە بەسە ب دلی بحەسە
من گۆری تە كر ئەڤ روح وزاتە
ما هەتا كەنگی دێ هۆسا بكۆڤان
هەر درێژبت ئەڤ رۆل و لێگەڕیان
ئەز چاڤەرێمە دیتنا تە كێمە
وەرە جاردی من هەمبێزكە قوربان
