دێ هەر هێم
شیان مەهدی کانیسارکی
شەڤ نینە بنڤم و
سۆزا هاتنێ بۆ سپێدێ من نەدابیت
چ بەرێ سپێدا نینن و
من سۆزا ڕۆژئاڤابوونێ ل دەف تە نەدابیت
لێ، کێ هێزا فەلەکێ هەیە
«دەستەکێ من یێ ڤالایە و
ئێکی ژی چ تێدا نینە».
ئەز ژی یێ د قولاچکا خانیڤە
چۆک و پشت شکەستی..
نەشێم وێ دەمژمێرا
ب دیوارێ مە یێ هەڕفتی ڤە
ژ چک چکێ ڕاوەستینم..
لێ سۆزێ ددەم هەر بهێم،
هەمیان ل پشت خوە بهێلم
دا برینێن ئێک دەرمان بکەین
سۆزێ ددەم ڕۆژ ب هەلیتن و
ب تنێ بهێم..
