پێنج كنەچیڕۆك
سەگڤان ئیسماعیل
سۆز
ئەو سۆزا دایێ جەرگێ خوە دا ئەوی پەژانی ب پاڕێزیت، لێ ب بۆرینا چەندەکێ ئەوێ ب خوە ئەو پەژانە بنپێکر و دابەزاندن ب بهایەکێ گەلەک کێم.
بێ وەفایی
ئەو زەلامێ سۆز دای هەڤالا خوە ب چ ئاوایەکێ هەبوونا ئەوێ بنپێنەکەت، لێ ژ بەر لاوازییا خوە و دەستهەلاتا جڤاکی ئەو سۆزە هەمی دانە بای و لگەل دەهمەنا جڤاکی بوونە نیشان و هێمایێن سەر شۆڕیێن ئەوی جڤاکی.
سەر شۆڕی
ئەو زەلامێ سەرێ خوە شۆڕکری بۆ بدەستڤەئینانا هندەك دەستکەفتییان پشتدایی جڤاکێ خوە، و کورسیك کریە خەونا خوە، ل داوییا کارێ خوە هاتە ئاڤ بارانکرن ژ لایێ هەڤالێن ئەوی ڤە.
چونەهێل
ئەو کەسێ دل پیس بتنێ دا جڤاك ژێ ڕازی بیت، هەمی هەولێن خوە دان مالا خوە وێران بکەت پێخەمەت بۆ هندێ کەیفا چار ئالیێن خوە خوەش کەت، ل داویێ داوی ب هەبوونا خوە هەمیێ ئینا ب تنێ دا جڤاك پێ شاد بیت.
ژێکڤەبوون
ئەوا ل ژیێ سێزدە سالیێ دایە شوو، دەمێ بووی پازدە سالی دادگەھ بۆ دادڤانێ ئەوان، پشتی ژێکڤەبوونا هەردوکان زاڕۆك مانە بێ خودان و ل جهێ بێ سەمیانان هاتنە خودانکرن، ب ئەڤێ چەندێ خێزان و جڤاك بوون دو بەش.
