ئیكرام سەلیم سندی
ئیكرام سەلیم سندی
من ژ سەرێ ڤێ پاییزێ
هزار سلاڤ بۆ عەزیزێ
هنگڤدای ب سەد جۆرا
وەكی دەرمانێ دختۆرا
ساخ بكت تەڤ دەرد و ئێشا
چارە بكت هەمی كێشا
دلێ زیزا نازك ب كت
من گەلەك سەبرێ خوە كێشا
سلاڤ وەسا دویڤ سلاڤا
كل سبحانی بۆ وان چاڤا
بایێ سوبێ روی سۆر كرن
پیرە كال ڤەگەڕاند ساڤا
سلاڤ ژ دلێ پر شەیدا
وەرە ڤەكە بەند و قەیدا
دیمێ تە وەكی شەكرۆكا
ئەز زارۆكم سپێدا عەیدا
بەژنا زراڤ بێ هش كرم
پێشڤە ئینام پاشڤە برم
ئەو لێڤێن وەكی لۆلاڤێ
بێ مەیی ئەز سەرخوەشكرم
جار دلنازك و دل نەرمە
جار ئاگرێ تووڕە و گەرمە
كارێ جانا هەر ئەڤەیە
دل ب حەزە لێ وێ شەرمە
وەرە بگرە شوینا هەیڤێ
ببە ئاوازا ڤێ پەیڤێ
جاردی بەژنا خوە ب خەملینە
ژینا من پركە ژ كەیفێ
