مە هندەك كەس خۆش دڤێن
نڤیسین: جوبران خەلیل جوبران
هندەك كەس مە خۆش دڤێن،
لێ نێزیكی وان نابین..
ئەو ل دویر شرینترن..
ل دویر نازكترن..
ل دویر هێژاترن..
هندەك كەس مە خۆش دڤێن،
و بزاڤێ دكەین لێ نێزیك ببین
و هویركاریێن ژیانێ ل گەل پارڤە بكەین
دویركەتن ژێ مە دئێشینیت..
هزركرن ل ژیانێ بێی وان زەحمەت دبیت.
هندەك كەس مە خۆش دڤێن،
خۆزی خوازین چیڕۆكەكا جوان ل گەل بژین
ژ بۆ دیتنا وان رێكەفتان دئافرینین
سەدەمان دئینین دا ببینین..
و د فانتازیا دا پتر ژ راستیێ ل گەل بژین..
هندەك كەس مە خۆش دڤێن،
لێ تنێ دناڤبەرا خۆ و نەفسا خۆ دا
لەوا بێدەنگ دبین سەباری ئێشانا بێدەنگیێ
قەد ڤیانێ بۆ دەرنابڕین، چونكی
ئاستەنگ د پڕن..
ئەنجام ب تڕسن..
باشترە بۆ مە و بۆ وان
دەرگەه دناڤبەرا مە دا د گرتی بن.
هندەك كەس مە خۆش دڤێن،
ئەردی ب ڤیانا وان تژی دكەین..
بەحسی وان بۆ جیهانێ دكەین..
بەردەوام ناڤێن وان دئینین..
و مە پێدڤی ب هەبوونا وانە..
مینا ئاڤ.. مینا با..
ژ نەحازری یان ڤەقەتیانا وان دخەندقینە.
هندەك كەس مە خۆش دڤێن،
چونكی ژبلی وان كەسێ نابینیت،
پێدڤیا مە ب ئەڤینیێ، مە بەر ب وان پالددەت..
رۆژگار دبۆرن
تەمەن دژیت
دەم راناوەستیت
مە دترسینیت بێ هەڤال بمینین.
هندەك كەس مە خۆش دڤێن،
چونكی هەژی چ تشتێ دی نینن ژبلی ئەڤینیێ
و مە هیچ بژاردەكا دی همبەری وان
نینە ژبلی ئەڤینیێ
و تشتێن جوان ژێ فێردبین
و گەلەك تشتان ل گەل سەرەراست دكەین
و ژیانا سەروژنوی ل گەل رەنگین دكەین
ب دلسۆزی هەولددەین هندەك
خۆشیێ پێ ببەخشین..
هندەك كەس مە خۆش دڤێن،
لێ دەنگڤەدانا ڤێ ڤیانێ د دلێ وان دا نابینین
لەوا دهەڕفین و دشكێین
و دكەڤینە دناڤ چەندین چیڕۆكێن سەرنەكەفتی،
مە كین ژێ ڤەنابیت..
ژبیر ناكەین
و هەر مە ئەو مە خۆش دڤێن..
پشتی هەر پێكۆلەكا سەرنەگرتی ژی!
دیسا بۆ دگرین..
هندەك كەس مە خۆش دڤێن،
بەس دمینیت وان ئەم خۆش بڤێن..
هەروەكی مە ئەو خۆش دڤێن..
