شێوەکارێ سەرکەفتی چیرۆکان ژ هزرا خوە دکەتە کەڤال
، بێوار حەمدی:
شێوەکار(سابر خزر) ژیێ وی 29 سالن ددیدارەکێ دا بۆ بەرپەرێ هونەری یێ ڕۆژناما ئەڤرۆ گۆت: هەر ژ زارۆکاتیێ من حەزا کارێ شێوەکاریێ هەبوویە و ئەڤە پتری دەھ سالن ئەز کاردکەم و من ب ئەکادیمی ژی خواندیە.
ناڤهاتی دبەردەوامیا ئاخفتنا خوە دا گۆت ژی، ئەز ب هەمی جوران کارێن شێوەکاریێ دکەم، بەلێ بەهرا پتر ئەز ڕەنگێن زەیتی بکاردئینم، ژبەرکو خەلکێ مە گەلەک حەز ژ کەڤالێن زەیتی دکەن، ئەو شێوەکارێ ب ئەکادیمی خواند بیت پتر سەربوور و پێزانینێن گشتی ل دۆر شێوەکاریێ هەنە و بێگۆمان ئاستێ وی یێ کاری ژی بلندترە.
سابری زێدەتر گۆت: شێوەکارێ سەرکەفتی دڤێت چیرۆکان ژ هزرا خوە بکەتە کەڤال و دڤێت وی جهەکێ تایبەت ب کارێ خوە ڤە هەبیت و ب بەردەوامی پاڵپشتیاوی بهێتە کرن، ئەز گەلەک ب کەڤالێن شێوەکارێ جیهانی «ڤان کوخی» داخبارم و بۆ من گەلەک جهێ سەرنجێ نە.
