پاییز بهارا عشقێ یە
خانی سەبری
هەمی وەرز بهارن
د چاڤێن نێرگزی دا
ڕەنگ و دەنگ وندا دبن
د هەمبێزا ئەولی دا
هەمی گولاڤ خوناڤن
سەر وان رویكێن سێڤی دا
نێ عشق هەمی ئالن
بۆ دلێ دناڤ دلی دا
دەما ئەو دلبەرهاتی
خەونەكا نوی ل من ڤەژاند
دیسان ژیان ل من خوەش بوو
ئەو قەدەرا رەش روخاند
ب ئێك ئاورێ ژ وان چاڤان
دل و جان ژ من ڕەڤاند
بووم ئێخسیرێ ئەڤیندار
برینا كەڤنار کەواند
رەخەك هەیڤە ئێك هەتاڤ
خۆ دێ بێژی ژ نۆرە
شاشكرن دیتن و چاڤ
ب چاڤ كەتن ڤە كۆرە
د دەستاندا مەیی ئاڤ
كەرامەتا وێ زۆرە
ل دلی من بوو لاڤلاڤ
ترس و حەز بێ سنوورە
بەرڤە بەزیم بێ پێنگاڤ
دیارە عشق گۆڕە!