شێوەكاری ئانكو ئارامكرنا مەژیێ مرۆڤی
سۆلین سلێمان:
شێوەكار (لەنیا حەیدەر) د دیدارەكێ دا بۆ رۆژنامەیا ئەڤرۆ گۆت: حەزژێكرنا من بۆ كارێ شێوەكاری بۆ بەری چەندین سالان دزڤڕیت و هەردەم ئەز كەڤالەكی چێدكەم هەست پێ دكەم ئەز دچمە جیهانەكا دی.
ناڤهاتیێ، كو باوەرنامەیا بەكالوریۆس ب زمانێ ئنگلیزی هەیە، هێشتا گۆت: دەمێ ئەز كەڤالەكی چێدكەم مەژیێ من گەلەك ئارام دبیت، لەورا هەردەم دبێژم شێوەكاری ئانكو مەژی ئارامكرن، یا نژی بێژم شێوەكاری ئەو رێكە كو تشتێن د جیهانێ دا نەهێنە دیتن د كەڤالی دا بهێنە نیشادان و هونەرێ شێوەكاری دبیتە ئەگەرەك كو بشێم سەركێشی و ئەزموونان بكەمە پێنگاڤەك بۆ ڕاستڤەكرنا شاشیان و ئەز چو جوداهیێ دناڤبەرا هونەرمەندێن نێر و مێ دا نابینم، چنكو هونەر ڕەگەزان نانیاسیت و هەردەم ئافرەتان رۆلەكێ بەرچاڤ د پێشڤەبرنا هونەری دا هەبوویە و سوپاس بۆ خودێ بۆ من داهاتەك ژ فرۆتنا كەڤالێن من دهێت.
