35 سالن زڕنابێژە
دلڤین رەشید:
زڕرنابێژ (سەربەست سەبری) د دیدارەكێ دا بۆ رۆژنامەیا ئەڤرۆ گۆت: ئەز خەلكێ كۆمەلگەها شاریامە و ئەڤە بۆ ماوێ (35) سالانە زڕنایێ لێ ددەم، ئانكو زڕنا بێژم و زڕنا بوویە پشكەك ژ ژیانا من و ب رێكا زڕنایێ شیایمە خزمەتا جڤاك و رێورسمێن ئۆلا ئێزدیان بكەم.
هەروەسا گۆت: پتریا وان رێوسمێن ئۆلی مینا تواڤان ئەز ل بەر مەزارگەهێن ئاینی یێن ئێزدیان بەرهەڤ دبم و ئەو رێورسمێن پێدڤی دبیت زڕنایێ لێ ددەم ب شێوازی مۆزیكا ئاینی یا تایبەت ب وێ هەلكەڤتێ ڤە، ژبەركو من حەزەكا مەزن بۆ زڕنایێ هەیە لەورا ئەڤە بۆ ماوەیەكی درێژە ئەز دگەل دژیم و دێ بەردەوام بم و زڕنابێژی جۆرەكێ مۆزیكا كەڤنارە د ناڤ كلتۆرێ كوردی دا، ل گەلەك هەلكەفت و رێورسمان دا دهاتە ب كار ئینان، لەورا گرنگە بهێتە پاراستن.
