داهاتێ وێ ژ كارێن دەستی دهێت
هەرهین محەمەد:
ئازار ئەمیر، كچەكا دەستڕەنگینا باژێرێ دهۆكێ یە، د دیدارەكێ دابۆ رۆژنامەیا ئەڤرۆ گۆت: پیشتی من خواندن ب دووماهی ئینایی من هزركر كارەكی بۆ خوە بكەم یێ من ب خوە بیت و پشتی من دسۆشیال مەدیایێ دا دیتی گەلەك كچێن وەكو من ئەڤی كاری دكەن و هزر وەسا بۆ من چێبوو ئەز ژی كارێ دەستی بكەم و د نوكە ژی دا پتریا كاران كچ ئەنجام ددەن و پتریا ئەوان كارێن ئەز دكەم گرێدایی ژنانن وەكو چێكرنا چانتە و گوستیرك و بازنگ و رستك و هەردیسان كەلوپەلێن گرێدایی خەنا و جوانیێ چێدكەم و دڤی كاری دا من هزرا كچ و كوڕان كریە وان تشتان چێكەم و دا كو ئەو بشێن بۆ ئێك و دو بكەنە دیاری.
هەروەسا گۆت: گەلەك مفایی ژ سۆشیال مەدیایێ دبینم وەكو دیزاینێ، هەروەسان ئەو كەرەستەیێن پێ چێدكەم ژ دەرڤەی وەلاتی داخوازدكەم ب رێیا سۆشیالێ و ل مال ژی پتریا دەمێ خوە ب ڤی كاری ڤە دبۆرینم ل و سوپاس بۆ خۆدێ ب ڤی كاری دشێم داهاتەكی ب دەست خوە ڤە بینم و پتریا ئەو داخوازیێن بۆ من دهێن ب رێیا سۆشیال مەدیایێ.
