ئەڤرۆ سێیەم فەستیڤالا تەحینێ ل ئامێدیێ دێ هێتە ڤەكـرن
ئامێدیێ، مەحمود نهێلی:
بڕیارە ئەڤرۆ 4/12/2025 دەست ب گێڕانا فەستیڤالا سێیێ یا تەحینێ و بەرهەمێن خۆمالی ل ئامێدیێ بهێتە كرن و تێدا زێدەباری تەحینێ، چەندین جۆرێن بەرهەمێن دی ژی تێدا دێ هێنە نیشادان.
كاروان حەجی سەعید، بەرپرسێ راگەهاندنا فەستیڤالا تەحینێ ل ئامێدیێ بۆ ئەڤرۆ دیار كر، هەموو ئامادەكاری تمام بووینە و بڕیارە ئەڤرۆ فەستیڤالا سێیێ یا تەحینێ ل دەڤەرداریا ئامێدیێ بهێتە ڤەكرن و گۆت: «فەستیڤال بۆ دەمێ دو ڕۆژان دێ یا بەردەوام بیت، دیسا ل گۆرەی پێشبینیان دێ ڕۆژێن فەستیڤالێ رەوشا سەقای یا گونجای بیت».
ناڤهاتی گۆتژی: «80 كەپر بۆ نیشادانا بەرهەمان هاتینە بەرهەڤكرن، ژ وان ژی: 26 كەپر دێ بۆ بەرهەمێن تەحینێ بن، ئەوێن دی ژی دێ بۆ كارێن دەستی، خوارنێن كوردی، فێقی، بەرهەمێن هشككری و بەرهەمێن دی یێن خۆمالی بن».
