ڕازیبوون ل سەر دانانا هەژمارەكا كارگەهان ل زاخۆ هاتە كرن
زاخۆ، دلۆڤان هالۆ:
گوهدار شێخۆ، سەرپەرشتێ ئیدارا سەربخوە یا زاخۆ، دوهی 3/12/2025 ل گەل ڕێڤەبەرێن پەیوەندیدار و لیژنا گەشەپێدان و پشتەڤانیكرنا پڕۆژەیێن پیشەسازی و دەڤەرا پیشەسازی ل زاخۆ كۆمبوو.
د كۆمبوونێ دا دانوستاندن ل سەر بابەتێن پڕۆژەیێن گەشەپێدانا پیشەسازی و دەڤەرا پیشەسازی و ل دووڤ ماستەرپلانا نوو ل سنۆرێ ئیدارا سەربخوە یا زاخۆ هاتە كرن، دیسا رازیبوون ل سەر دانانا هەژمارەكا كارگەهێن پیشەسازی یێن جوراوجور هاتە كرن، كو ئەو پڕۆژە د پاشەرۆژێ دا بكەڤنە د خزمەتا خەلكێ سنۆرێ ئیدارا سەربەخۆ یا زاخۆ دا.
كابینەیا نەهێ یا حكومەتا هەرێما كوردستانێ گرنگییەكا مەزن دایە بیاڤێ وەبەرهێنانێ، ب تایبەت بۆ پەیداكرنا دەلیڤەیێن كاری بۆ وەلاتیان.
