گەلەك كەس ل بەر دەستێ من فێری ژەنینا عۆدێ بووینە
مۆزیكژەن (شیشار ئەسوەد) كو لێدەرێ ئامیرێ عۆدێ یە، د دیدارەكێ دا بۆ رۆژنامەیا ئەڤرۆ گۆت: ژبەر حەزا منا زێدە بۆ مۆزیكێ ل سالا 2019 من پشكداری د خولەكا عۆدێ دا كر و پشتی من باش خۆ پێگەهاندی، سوپاس بۆ خودێ ئەز نوكە خولان ڤەدكەم و گەلەك كەس ل بەر دەستێ من فێری ژەنینێ بووینە.
هەروەسا گۆت: ئامیرێ عۆدێ ب وێ چەندێ دهێتە نیاسین كو یێ ب زەحمەتە ژبۆ فێریوونێ، لێ ئەز دبێژم هەر ئامیرەیەكێ مرۆڤ ژ دل حەزژێ بكەت دێ زوو فێربیت، لێ هەكە حەزژێ نەكەت چ پێ نەڤێت دێ یێ ب زەحمەت بیت، بۆ زانین عۆد هاریكارەكێ سەرەكی یە بۆ سەركەفتنا سترانبێژی.
