1500 پەرتووك ب دیاری سەر خەلکی بەلاڤکرن
دلۆڤان هالۆ:
وەكو پشتەڤانیەك بۆ خواندنا پەرتووكان، ب تایبەت بۆ تەخا گەنجان، خودانێ وەشانخانە و پەرتووكخانەیا لۆكال ل زاخۆ (سالار محەمەد فەتاح) ب هەڤكاری ل گەل ناڤەندا زاخۆ یا رەوشەنبیری و راگەهاندنێ (1500) پەرتووك بێ بەرامبەر پێشكێشی وان كەسان كرن یێن سەرەدانا ئێكەم پێشانگەها پەرتووكان یا نێڤدەولەتی ل ئیدارەیا سەربەخۆیا زاخۆ كرین.
ناڤهاتی گۆت: هزار پەرتووك ژلایێ ناڤەندا زاخۆ یا رەوشەنبیری و راگەهاندنیێ ڤە هاتبوونە بەرهەڤكرن و (500) پەرتووك ژی ژلایێ مە ڤە وەك وەشانخانە و پەرتووكخانەیا لۆكال هاتبوونە بەرهەڤكرن و هیڤیا من ئەوە ئەم شیابین ببینە پالدەرك ژ بۆ هندێ كو پتر دەلیڤەیێن خواندنێ ل بەر خواندەڤانان ڤەبن.
