تاوانێن ئەلكترۆنی زێدەبووینە
هەولێر، قائید میرۆ:
پەیڤدارێ پۆلیسێن هەرێما كوردستانێ دیاركر، پشتی بڕیارا قەدەغەكرنا چەكی دەركەفتی، رێژەیا ئەنجامدانا تاوانان كێم بوویە، بەلێ ئەنجامدانا تاوانێن ئەلكترۆنی زێدەبوویە و خەلك سۆشیال میدیایێ ب شێوەیەكێ خراپ ب كار دئینن.
كارزان ئەمیر، پەیڤدارێ پۆلیسێن هەرێما كوردستانێ بۆ رۆژناما ئەڤرۆ خویاكر، پشتی بڕیارا هەلگرتنا چەكێ بێ مۆلەت هاتیە دەركرن و هەلگرتنا چەكی هاتیە قەغەكرن و قانوونا تۆماركرنا چەكی دەركەفتی، رێژەیا ئەنجامدانا تاوانان كێم بوویە، ب تایبەتی تاوانێن كوشتنێ و گەف و تەقەكرن ب شێوەیەكێ بەرچاڤ كێم بووینە و گۆت: «ل گورەی ماددەیێ 15 یا قانوونا چەكی، هەر كەسەكێ چەكی بێ مۆلەت هەلبگریت، سالەكێ هەتا سێ سالان دێ هێتە زیندانكرن، یان ژی دو هەتا پێنج ملیۆن دیناران دێ هێتە غرامەكرن».
كارزان ئەمیر گۆتژی: «مخابن سەرەڕای كێمبوونا تاوانان، بەلێ تۆماركرنا تاوانێن ئەلكترۆنی زێدەبوویە، ئەگەرێ زێدەبوونا تاوانێن ئەلكترۆنی ژی بۆ خراپ ب كارئینانا سۆشیال میدیایێ ژ ئالیێ خەلكی ڤە ڤەدگەڕیت، لەوڕا داخوازێ ژ وەلاتیان دكەین، ب هشیاری سەرەدەریێ ل گەل سۆشیال میدیایێ و ئامیرێن ئەلكترۆنی بكەن».
