ب چاڤدێریا پارێزگارێ دهۆكێ خولا پێنجێ یا گەلەریا چالاكیێن قوتابخانەیان هاتە ڤەكرن
ب چاڤدێریا د. عەلی تەتەر، پارێزگارێ دهۆكێ و ب ئامادەبوونا عومەر عەلی تەها، رێڤەبەرێ گشتی یێ پەروەردێ ل پارێزگەهێ و بێوار بداغ، رێڤەبەرێ چالاكیێن قوتابخانەیان یا سەر ب رێڤەبەرەیا گشتی یا پەروەردێ و چەندین مامۆستا و بەرپرسێن حزبی و ئیداری، دوهی 7/12/2025 ل هۆلا رێڤەبەریا چالاكیێن قوتابخانەیان خولا پێنجێ یا گەلەریا چالاكیێن قوتابخانەیان یا مامۆستایێن شێوەكاری هاتە ڤەكرن.
پارێزگارێ دهۆكێ گەڕیانەك د ناڤ گەلەریێ دا كر و ژ نێزیك سەحكرە بەرهەمێ مامۆستایێن شێوەكار و دەستخوشی ل هەموو پشكداران كر و داخوازا سەركەفتنێ بۆ كر و پشتەڤانیا پارێزگەهێ بۆ ئەنجامدانا ڤان جۆرە چالاكیێن هۆنەری نیشادا.
هەژی گۆتنێ یە (62) مامۆستایێن شێوەكار ل سەر ئاستێ هەر (9) پەروەردەیێن دەڤەرداریێن پارێزگەهێ ب (62) كەڤالێن هونەرێ شێوەكاری یێن جودا پشكداری د خولا پێنجێ یا گەلەریا چالاكیێن قوتابخانەیان دا كریە.
