گیتار ل گەل هەموو جۆرێن سترانان د گونجینیت
شاهۆ فەرید:
مۆزیكژەن و سترانبێژ (كیان بەهجەت) د د دیدارەكێ دا بۆ رۆژنامەیا ئەڤرۆ گۆت: ئەڤە حەفت سالن ئەز ئامیرێ گیتارێ ژەنم، چنكو حەزا منا زاروكینێ بوو، دەمێ دەلیڤە هاتی من بۆ خۆ گیتارەك پەیداكر و ب رێكا ڤیدیۆیان و یوتیۆبی فێربوویمە، هەلبژارتنا من بۆ ئامیرێ گیتارێ ئەوە ل گەل هەموو جۆرێن سترانان د گونجینیت و مالا من گەلەك د هاریكارن، لەورا ئەز گەهشتیمە ئاستەكێ باش و مۆزیك بۆ من خۆشترین تشتە و دەروونێ خوە پێ ئارام دكەم و نوكە هژمارەكا ستران و بەرهەمیێن خوە كاری ل سەردكەم و ل دەمێ بهێت دێ بەلاڤ كەم.
هەروەسا گۆت: ئەز پتر حەزژ سترانێن (هیپ هۆپ) دكەم و داخباری سترانێن فارسی مە، ب تایبەت دەنگێ عەلی میر و مورتەزا پاشای، یێن كوردی ژی سەردەمیانەیا گۆهداردكەم، گەلەك گرنگە بۆ سترانبێژی خۆ فێری ژەنینا ئامیرەكێ مۆزیكێ بكەت، ئەكادیمیكرنا باشە د ئەڤی بۆاری دا، هەر كەسێ حەزژ سەر مۆزیكێ هەبیت، بزاڤێ بكەت خوە فێربكەت، دڤێت پالپشتی ژلایێ هەموو لایان ڤە هەبیت.
