ل ئاهەنگەکا جوهیان چەندین کەس بوونە قوربانی
ل دەمێ رێورەسمێ جەژنا جوهیان یا ب ناڤێ جەژنا حانوکا ل وەلاتێ ئوسترالیا چەند چەکداران تەقە ل خەلکێ کرینە و ل گۆر پۆلیسێن وی وەلاتی هەتا نها پتر ژ ١٢ کەسان جانێ خوە ژ دەست داینە و پتر ژ ٣٠ کەسان ژی بریندار بووینە.
ل ئالیێ دی ئاژانسا فرانس پرێس ژی دیار کریە هژمارا کوشتی و برینداران ٧٠ کەسن و تەقەکەر ب جلکێن رەش تەقە ل خەلکێ کرینە و ئێک ژ تەقەکەران ژی هاتیە کوشتن.
ئەمریکا، ئسرائیل و گەلەک وەلاتێن جیهان روودان وەکو روودانەکا تیرۆرستی بناڤ کرن و ب توندی شەرمزار کرن، وەزارەتا ناڤخوە یا ئوسترالیا ژی دیار کر وان دەست ب ڤەکۆلینێن بەرفرەه ل دۆر روودانێ کرینە و پشتی ڤەکۆلینێن وان ب دووماهی بهێن دێ ئەنجامێ ڤەکۆلینان بۆ رایا گشتی ئاشکرا کەن، هەروەسا بریندار بۆ نەخوەشخانەیان هاتینە ڤەگۆهاستن و یا پێدڤی دێ بۆ چارەسەریا وان هێتە کرن.
