زانكۆیا زاخۆ پتر ژ دو هزار پرتووك پێشكێشی پرتووكخانەیا گشتی یا چەمچەمالێ كرن
زاخۆ، دلۆڤان هالۆ:
زانكۆیا زاخۆ ل ژێر درووشمێ «ژ پرتووكخانێن ستافێ زانكۆیێ بۆ پرتووكخانا گشتی یا چەمچەمال» دوهی 15/12/2025 چالاكیەكا بەخشینا پرتووكان ئەنجام دا.
د. دیار عەبدولكەریم، سەرۆكێ زانكۆیا زاخۆ د كۆنگرەیەكێ ڕۆژنامەڤانی دا دیاركر كو وان وەكو سەرۆكاتیا زانكۆیا زاخۆ، وەكو هەموو خەلكێ كوردستانێ و وەكو ئەركەكێ نەتەوایەتی و زانستی ب فەر دیت پتر ژ دو هزار پرتووكان پێشكێشی پرتووكخانا گشتی یا چەمچەمال بكەن.
سەرۆكێ زانكۆیا زاخۆ گۆت: «وەكو هەڤسۆزی و هەڤخەمیەك، مە ئەڤ كارە ئەنجام دا، كو خەما خەلكێ چەمچەمال خەما مەیە، داخوازێ ژ هەموو خەلكێ كوردستانێ دكەم، هەر ئێك ل دووڤ شیانێن خوە هاریكاربیت، چونكی وەلاتێ مە ئێكە و ئەم هەموو ئێكین».
