«پێدڤیە سالانە هەتا چار فەستیڤالان ل سێمێلێ بهێنە گیڕان»
هەرهین محەمەد:
شارەزایەكێ دارایی و ئابوری ددەتە دیاركرن كو دڤێت فەستیڤالێن شەڤێن رەمەزانێ و سپیاتیان ل قەزا سێمێلێ ژی بهێنە ڤەكرن، دا كو ئالوگوریا كرین و فرۆتنێ دناڤبەرا دهۆك و سێمێلێ دا چێبیت و مفای ژ هزر و بیر و كرین و فرۆتنا ئێك و دوو بینن. ب ئەڤێ چەندێ دبیت گەلەك ژنێن خۆدانكار و گەنج كارێ خوە ل وێرێ نیشان بدەن و ببیتە دەرگەهەك بۆ بازرگانیكرنێ.
د. سەلیم سلێڤانەی، شارەزایێ دارایی و ئابوری بۆ ئەڤرۆ گۆت: هەر باژێرەكێ پێشبكەڤیت، دڤێت ل دەستپێکێ ژلایێ كارگێری و كەسێن شارەزا ببنە رێڤەبەرێ ئەڤێ دەڤەرێ وەكو قایمقام و سەرۆكێ باژێرڤانیێ، سێمێلێ یا بەرفرەهە بووی و د دەمەكی دا قەزایەكا بچووك بوو، نوكە بوویە پێنچ شەش ناحیەك و بەرفرەه بوویە، ژلایێ كارگێری ڤە كارەكێ باش دهێتەكرن و ژلایێ ئابوری ڤە خەلكێ مە باجەیا نێزیكبوونا دهۆكێ ددەت.
زێدەتر دبێژیت: بۆچی خەلكێ دهۆكێ ناهێتە سێمێلێ بازاركرنێ بكەت و وەكو ئالوگوریەك چێبیت، چونكو كرینا ئەردو خانیا و كرێكرن ئەرزانترە، دا كو ئەم بشێین بەرێ خەلكێ بدەینە سێمێلێ و چ رێك دێ هەبیت تیشك بكەڤیتە سەر سێمێلێ و ب بوچوونا من گرنگە سالانە هەتا چار فەستیڤالێن جوراو جور ل سێمێلێ بهێنە ڤەكرن، د نوكە دا پتریا دەڤەران فەستیڤال هەنە، ب تنێ دەڤەرا سێمێلێ ژ فەستیڤالان د بێ بەرهرن، بۆنمونە ل مەها رەمەزانێ سیه رۆژان فەستیڤال تێرمینالا دهۆكێ دهێتە گێران و ل شوونا ئەو فەستیڤالە ل تێرمینالا دهۆكێ بهێتەكرن ل سێمێلێ بهێتەكرن دێ باشتر بیت و مە ژی پاركەكا مەزن هەیە و ل شوینا گەنج و دانعەمر پیاسان لێ بكەن، ئەو پاركە بیتە سەنتەرەكێ ئابوری و مە گەلەك گەنج هەنە وەكو كچ و ژنان كاری د مال ڤە دكەن، ئەو دێ وی كارێ خوە بینە وێرێ نیشان دەن و ئەڤ تشتە دێ بیتە پشتەڤانی بۆ ئەوان كەسان و داهێنانێ د كارێن خوە دا بكەن و بەرفرەه و د بەردەوام بن، هەردیسان هەكە فەستیڤالا تری و هنگڤینی ژی بهێتە سێمێلێ بازرگانیەكا باش دێ ل سێمێلێ پەیدابیت.
شارەزایێ دارایی و ئابوری زێدەتر گۆت: پێشبینی دكەم سالانە فەستیڤالا سپیاتیا ل سێمێلێ بهێتە ڤەكرن، ژ بەر كو سێمێل دەولەمەندن ب جورێن سپییاتیا و دیسان سلێڤانەی ب گەنمی د بەرنیاسن، لەورا دبینم ئەڤ جۆرە فەستیڤالە ل سێمێلێ بهێنە ڤەكرن، ئانكو باجەیا نەتەوەی بدەنە سێمێلێ، چونكو ل سێمێلێ مە ئێزدی و مەسیحی و موسلمان هەنە و هەكە فەستیڤال ل سێمێلێ بهێتە ڤەكرن ئەڤ هەموو ئول و نەتەوە تێدا پشكداربن دێ بازارەكێ دەولەمەند ل سێمێلێ هێتە ڤەكرن و ل هەموو جهان دێ قەست كەنێ.
