هەژمارەكا پڕۆژەیێن كارەبێ ل دەڤەرا ئامێدیێ هاتنە بجهئینان
ئامێدیێ، مەحموود نهێلی:
ژ بۆ زێدەتر خزمەتكرنا وەلاتیان و گەهاندنا پڕۆژەیێن خزمەتگوزاری بۆ وەلاتیان، ب تایبەت د وارێ كارەبێ دان ب گوژمێ پتر ژ ئێك ملیار دیناران هەژمارەكا پڕۆژەیێن كارەبێ ل سەرانسەرێ دەڤەردارییا ئامێدیێ هاتنە بجهئینان و كەفتنە د خزمەتا خەلكێ دەڤەرێ دا.
ئەندازیار ئارام جلال سەعید، رێڤەبەرێ بەلاڤكرنا كارەبا دەڤەردارییا ئامێدیێ بۆ رۆژناما ئەڤرۆ دیار كر، د بەردەوامییا كار و پڕۆژەیێن خزمەتگوزاری دا ل دەڤەرێ هەژمارەكا پڕۆژەیێن كارەبێ ل سنۆرێ دەڤەردارییا ئامێدیێ هاتنە بجهئینان و كەفتنە د خزمەتا خەلكێ دەڤەرێ دا و گۆت: «ئەڤ پڕۆژە ل سەنتەرێ دەڤەرداریا ئامێدیێ و هەردو ناوچەداریێن دێرەلۆكێ و شێلادزێ ب گوژمێ ئێك ملیار و 131 ملیار دیناران ل سەر بودجا تایبەتا پارێزكەها دهوكێ هاتینە بجهئینان».
