سەرۆك بارزانی رۆل د كێمكرنا گرژیێن سووریێ دا هەبوو
وەزیرێ ئەوقافا سووریێ راگەهاند: رەوشا نوكە یا سووریێ كو ژ هەژمارەكا پێكهاتە و نەتەوەیێن جودا پێك دهێت، یا بەر ب ئارامیێ دچیت.
محەمەد ئەبو خەیر شوكری، وەزیرێ ئەوقافا سووریێ، گوت» سوپاسییا سەرۆك بارزانی دكەم بۆ نێزیككرنا بۆچۆنان د ناڤبەرا حوكمەتا دیمەشقێ و ئالیێن كوردێن رۆژئاڤایێ كوردستانێ دا».
هەروەسا گوت» سووریێ ژ هەژمارەكا پێكهاتە و نەتەوەیێن جودا پێكهاتیە و رەوشا نوكە یا سووریێ بەر ب ئارامیێ دچیت، «.
گوت ژی» كوردان دێ نوونەر ل جڤاتا گەل هەبن و رێزێ ل كوردان و مافێن وان دگرین، هەروەسا دێ پۆستێ پارێزگارێ حەسەكە ب كوردان هێتە دان، نەورۆز ژی بوویە هەلكەفتەكا نیشتمانی و دێ زانایێن كورد بۆ دیمەشقێ ڤەخوینم».
