مەسرور بارزانی: هیڤیدارین رێككەفتنا دیمەشقێ و هەسەدە رێكێ خوەش بكەت بۆ زڤڕینا ئاوارەیان
مەسرور بارزانی، سەرۆكێ حوكمەتا هەرێما كوردستانێ راگەهاند، پێشوازیێ ل رێككەفتنا حوكمەتا سووریێ و هەسەدە دكەین و هیڤیدارین ئەڤ رێككەفتنە بهێتە بەرفرەهكرن و ببیتە جهێ زێدەتر ئارامیێ و پێشكەفتنێ بۆ هەموو سووریێ و ب تایبەتی بۆ دەڤەرێن كوردی و ببیتە دەستپێكەك بۆ دابینكرنا مافێن رەوا یێن هەموو پێكهاتەیێن سووریێ و رێكێ خوەش بكەت بۆ زڤڕینا ئاوارەیان بۆ دەڤەرێن خوە. هەروەسا پشتەڤانییا گەلێ كوردستانێ ل هەموو جیهانێ و ب تایبەتی رۆلێ سەرۆك بارزانی د دووماهئینانێ ب ئالۆزییان و پەنابرنێ بۆ رێكا دیالۆگێ بۆ چارەسەرییا بنەڕەتییا كێشەیان، جهێ شانازیێیە. مە رێز و سوپاسی هەیە بۆ رۆلێ سەرۆك و حوكمەت و نوونەر و كۆنگرێسێ ئەمریكا و وەلاتێن دۆست د دووماهیئینانێ ب ئالۆزییان و پشتەڤانیكرنا مافێن رەوا یێن هەموو پێكهاتەیێن سووریێ و ئارامیێ ل دەڤەرێ.
