ئسرائیل: بەرهەڤی بۆ لێدانا ئیرانێ ب دووماهی هاتینە
سەرۆک ئەرکانێ ئسرائیلێ دیار کر، ئەمریکا بریار دایە ئێرشی ئیرانێ بکەت، لێ ئەمریکا دڤێت ئێرشەکا بەرفرەه و دەم کورت بیت و زوو ژی بگەهیتە ئارمانجا خوە، ژ بەر ڤێ یەکێ ژی هەتا نها ئەمریکا ئێرشی ئیرانێ نەکریە، لێ ئەو یەک رامانا هندێ نادەت کو ئەمریکا دەست ژ ئێرشکرنا سەر ئیرانێ بەردایە، ئەمریکا بەرهەڤیێن خوە تەمام کرینە و دێ د دەمەکێ نێزیک دا ئێرشی ئیرانێ کەت و هندەک ئارمانج هاتینە دەستنیشان کرن و ئەمریکا دڤێت د زووترین دەم دا وان ئارمانجان بجه بینیت.
ئیال زەمیر ئەو یەک ژی دیار کر، ئسرائیل و هندەک وەلاتێن دی یێن ئێکەتیا ئۆرۆپا ژی دبیت پشکداریێ د ئێرشا ئەمریکا یا ب سەر ئیرانێ دا بکەن، لێ هێشتا هندەک بابەت هەنە ب تەمامی ئێکلا نەبووینە، چونکی ترامپی دڤێت دەستهەلاتا ئیرانێ بهێتە گوهۆڕین و هەکە ئەو یەک ب رێیا دانوستاندنان بهێتە کرن دبیت ئێرش بهێتە راگرتن، لێ هەتا نها ئیرانێ داخوازیێن ئەمریکا قەبوول نەکرینە.
