ئیران: دانوستاندن د باش بوون و بۆ شەڕی ژی د بەرهەڤین
وەزیرێ دەرڤە یێ ئیرانێ پشتی دانوستاندنێن ل وەلاتێ عومان ل گەل ئەمریکا دیار کر کو دانوستاندن باش بوون و هەر دو ئالیان ژی بریار داینە دانوستاندن بەردەوام بن، لێ ئەو یەک رامانا هندێ نادەت هەموو پرسێن هەی چارەسەر بووینە، چونکی سزایێن ئەمریکا ڤێ دووماهیێ ل سەر ئیرانێ سەپاندن نیشا ددەت نیەتا ئەمریکا هێشتا ژی ل هەمبەر ئیرانێ یا خرابە.
عەباس ئیراقچی ئەو یەک ژی دیار کر، هەکە ئەمریکا ئێرشی ئیرانێ بکەت ئیران دێ ئێرشی هەموو بنگەهێن ئەمریکا ل رۆژهەلاتا ناڤین کەت، ئیرانێ نها خوە بۆ هەر پێشهاتەکێ ژی بەرهەڤ کریە و دێ هەتا دووماهیێ ژی بەرگریێ کەین و رێ نادەین مەترسی ل سەر ئیرانێ دروست بن، دڤێت ئەمریکا رێزێ ل ئیرادەیا گەلێ ئیرانێ بگریت و دەست ژ سزادانا ئیرانێ ژی بەردەت، دانوستاندنێن ڤێ دووماهیێ پێنگاڤەک باش بوو و ئیران یا بەرهەڤە هەموو پرسێن هەی ب رێیا دانوستاندنان چارەسەر بکەت.
