چەند پرتە هەلبەست

عەدنان ئەحمەد مزووری

نە مام،
چونکی، من خۆ ل وێرێ نە دیت،
و هەکە، خۆ ل جهەکی نە بینم، نا مینم..
دبیت من بژاردە یێ شاشبوو،
هەر چ بیتن ئەز چووم
و بلا «هێستر ب بار ڤە»،
بۆ هەوە بیت..!
:: :: ::

ل دەف وی،
نە ژمارە مە
وئەڤە یا باشە..
جاران،
دەستێ خۆ،
ب دلێ من دا
دئینتە خار..
ئەو ژی باشە..
گەلەک دهەولدەت،
من ژبیرنەکەتن،
و ئەڤە هندی بێژی باشە..!
:: :: ::

شەڤێ،
شار ڤەشارت،
«خودانێ تیرکی»
ڕێکا خۆ گوهارت..
ترسێ،
پێ ل خەونێن زارۆکان دانا،
هەژاران «سەرێ تە» نەڤێت، سالێ..!
:: :: ::

گوهلێ ب بوو،
«شوینا کو، نەفرەتێ ل تاری یێ بکەی،
شەمالەکێ هەلکە»
ڕابۆ وەکر،
ئاگری خیڤەت خار
جەگەر ژی بوو ڕەژی..!
:: :: ::
سێڤەکا کەسک،
د لەپی دا بوو
ئەو بتنێ دراوەستا،
ل وی لایێ د بشکڤی..
تیشکەک، ژ ئاخێ دپەشیت
دبوو کەڤالێ ڕەنگا
دیارە هێژ
هیڤییەکا مای..

کۆمێنتا تە