سەرۆكێ حوكمەتا هەرێمێ: دەرگەهێ مە بۆ هەڤكاری و هەماهەنگییا ل گەل هەموو پارێزگەهێن ئیراقێ ڤەكرییە
مەسرور بارزانی، سەرۆكێ حوكمەتا هەرێما كوردستانێ، پێشوازی ل یوسف مەكی گەنناوی، پارێزگەرـێ نەجەف و شاندەكێ دگەل وی دا كر.
ل گۆرەی بەیاننامەیەكا حوكمەتا هەرێما كوردستانێ، د ڤی دیداری دا، سەرۆكێ حوكمەتا هەرێما كوردستانێ بەرهەڤییا حوكمەتا هەرێمێ بۆ پێشڤەبرنا هەڤكاری و هەماهەنگیێ د ناڤبەرا هەرێما كوردستانێ و پارێزگەرێن ئیراقێ دا، ب تایبەتی نەجەف، د بوارێن جودا جودا دا دیار كر.
هەروەك د بەیاننامەیێ دا هاتی، پارێزگەرێ نەجەف ئاماژە ب مەرەما سەرەدانا خوە یا بۆ پایتەختێ هەرێما كوردستانێ كر، كو ئارمانج ژ وێ پێشئێخستنا پەیوەندیێن دو قۆلی و مفا وەرگرتنە ژ چاكسازی و ئەزموونا سەركەفتی یا حوكمەتا هەرێمێ د كەرتێن جودا دا، ب تایبەتی د بوارێ ب دیجیتالكرنا خزمەتگوزاریێن گشتی دا.
