مەسرور بارزانی و وەزیرێ پەروەردەیێ یێ سووریێ دوپاتیێ ل بهێزكرنا پەیوەندیێن دو قۆلی دكەن
سەرۆكێ حوكمەتا هەرێما كوردستانێ پێشوازی ل وەزیرێ پەروەردەیێ سووریێ كر و د دیدارەكێ دا دوپاتی ل سەر پێشئێخستنا پەیوەندییان د بوارێ پەروەردە و خواندنێ دا هاتە كرن، هەروەسا وەزیرێ سووریێ سوپاسییا هەرێمێ كر بۆ حەواندنا ئاوارەیێن وەلاتێ خۆ.
ل رۆژا چارشەمبی، 29ێ تەممووزا 2026، نڤیسینگەها سەرۆكێ حوكمەتا هەرێمێ راگەهاند، مەسرور بارزانی، سەرۆكێ حوكمەتا هەرێما كوردستانێ، پێشوازی ل محەمەد عەبدولرەحمان توركۆ، وەزیرێ پەروەردە و خواندنا سووریێ كر.
د دیدارێ دا هەردو ئالییان دوپاتی ل سەر گرنگییا بهێزكرنا پەیوەندییێن د ناڤبەرا هەرێما كوردستانێ و سووریێ د بوارێن جۆراوجۆر دا ب تایبەتی د پەروەردە و خواندنێ دا كرن.
وەزیرێ پەروەردە و خواندنا سووریێ، سوپاسییا حوكمەتا هەرێما كوردستانێ كر بۆ مێهڤانداریكرنا سەدان هزار ئاوارەیێن سووری د سالێن بۆری دا و ئاماژە ب پێنگاڤێن حوكمەتا سووریێ ژی دا بۆ گرنگیدان ب خواندنێ ب زمانێ كوردی ل سووریێ.
سەرۆكێ حوكمەتا هەرێما كوردستانێ بەرهەڤییا حوكمەتا هەرێمێ بۆ هەر هەڤكاری و هەماهەنگییەكێ ل گەل حوكمەتا سووریێ و بهێزكرنا پەیوەندییێن دووقۆلی دیار كر.
