هەڤخەمییا خۆ ئاراستەی گەلێ كورد و سەرۆك بارزانی دكەم
عەلی زەیدی سەرۆك وەزیرێن ئیراقێ پەیامەك ب هەلكەفتا سالڤەگەڕا جینۆسایدا بارزانییان بەلاڤكر و ئاماژە ب وێ دا، ئەڤ تاوانە د چارچۆڤەیێ زنجیرەیەكا سەركوتكاری و دروستكرنا گۆرێن ب كۆم دا بوو، لێ د دووماهیێ دا دیكتاتۆری نەشییا ئیرادەیا گەلێ ئیراقێ ل دژی زۆرداریێ بشكێنیت.
د پەیاما خوە دا، سەرۆك وەزیرێن ئیراقێ سەرەخۆشی و هەڤخەمییا خۆ یا كوور ئاراستەی گەلێ كورد، سەركردایەتییا پارتی دیموكراتی كوردستان و ب تایبەتی سەرۆك بارزانی كر.
عەلی زەیدی راگەهاند»شانازیێ ب وان قوربانیێن مەزن ڤە دكەین كو مل ب ملێ پێكهاتەیێن دی یێن ئیراقێ هاتینە دان و بوونە ئەگەرێ هەلاتنا ئازادیێ و ئاڤاكرنا سیستەمێ دیموكراسیێ یێ فیدرالی یێ مە، كو تێدا هەموو د بن مافێن دستووری و كەرامەتێ دا دژین».
د دووماهییا پەیاما خۆ دا، سەرۆك وەزیرێن ئیراقێ دوپات كر كو حوكمەتا وی دێ ل سەر كاركرنا نیشتمانی یا دلسۆزانە بەردەوام بیت بۆ رووبڕووبوونا ئاستەنگان، ژ پێخەمەت ئاڤاكرنا ئیراقەكا ب هێز، ئازاد و خودان سەروەرییا تەمام.
